ତାଳଚେର(ବିଜୟ କୁମାର ଦେବତା): ଓଡ଼ିଶା ସରକାରଙ୍କ ମତ୍ସ୍ୟ ଓ ପ୍ରାଣୀସମ୍ପଦ ବିକାଶ ବିଭାଗ ପକ୍ଷରୁ ତାଳଚେର ବ୍ଲକ ସ୍ତରୀୟ ମତ୍ସ୍ୟ ଓ ପ୍ରାଣୀ ସମ୍ପଦ ମେଳା ଦେଉଳବେଢା ଡି ସି ଆଇ କ୍ଳବ୍ ଠାରେ ଅନୁଷ୍ଠିତ ହୋଇଯାଇଅଛି , ମୁଖ୍ୟ ଅତିଥି ଭାବେ ତାଳଚେର ବିଧାୟକ ବ୍ରଜକିଶୋର ପ୍ରଧାନ ଉପସ୍ଥିତ ମହିଳା ଉଦ୍ୟଗି ,ପଶୁ ପାଳକ ,ମତ୍ସ୍ୟ ଉଦ୍ୟଗି ଓ କୃଷକ ମାନଙ୍କ ଉଦ୍ୟସରେ କହିଥିଲେ ଆଜିକାଲି ଚାଷର ପରିଭାଷା ବଦଳି ଯାଇଛି ,ସରକାର କୃଷକ ମାନଙ୍କ ନିମିତ୍ତ ବିଭିନ୍ନ ପ୍ରକାର ଯୌଥ ଉଦ୍ୟଗ ସୃଷ୍ଟି କରିଛନ୍ତି ,ଜଣେ ଚାଷୀ ବର୍ତ୍ତମାନ କୃଷି କାର୍ଯ୍ୟ ସହିତ ପଶୁ ପାଳନ , ଗାଈ ,ଛେଳି , କୁକୁଡ଼ା ସହିତ ମତ୍ସ୍ୟ ଚାଷ ମଧ୍ୟ କରି ଅଧିକ ଲାଭବାନ ହେଉଛନ୍ତି , ଗୋଟିଏ କ୍ଷେତ୍ରରେ କ୍ଷତି ସହିଲେ ତାର ଭରଣା ଅନ୍ୟାନ୍ୟ କ୍ଷେତ୍ରରୁ ଭରଣା କରି ଲାଭବାନ ହୋଇ ପାରୁଛି , ମତ୍ସ୍ୟ ଓ ପ୍ରାଣୀ ସମ୍ପଦ ବିଭାଗୀୟ ଅଧିକାରୀ ମାନେ କେବଳ ଅଫିସ ମଧ୍ୟରେ ବସିରହି ହିତାଧିକାରି ,ଉଦ୍ୟଗୀ ଓ କୃଷକ ମାନଙ୍କୁ ଅନ ଲାଇନ୍ ମଧ୍ୟରେ ଫର୍ମ ଫିଲପ୍ କରି ଆଵେଦନ କରିଦେବାକୁ ପରାମର୍ଶ ଦେବା ଅପେକ୍ଷା ସେମାନେ ବିଭିନ୍ନ ପଞ୍ଚାୟତ ଓ ଗ୍ରାମକୁ ଯାଇ ଲୋକମାନଙ୍କ ସହିତ ସିଧାସଳଖ ଆଲୋଚନା କରି ସେଇଠାରେ ଅନ ଲାଇନ ରେଜିଷ୍ଟ୍ରେସନ୍ କଲେ କୃଷକ ମାନେ ଅଧିକ ଉପକୃତ ହୋଇପାରିଵେ ବୋଲି ପ୍ରକାଶ କରିଥିଲେ ।
ଅନ୍ୟ ମାନଙ୍କ ମଧ୍ୟରେ ତାଳଚେର ବିଡ଼ିଓ ସୁଶାନ୍ତ କୁମାର୍ ବରାଳ ,ଜିଲ୍ଲା ସମବାୟ ବ୍ୟାଙ୍କ୍ ଅଧକ୍ଷ ସନ୍ତୋଷ କୁମାର ପ୍ରଧାନ ,୨୦ ନମ୍ୱର୍ ଜିଲ୍ଲାପରିଷଦ ସଭ୍ୟ ରିତାରାଣୀ ଦାସ , ସାଂସଦଙ୍କ ପ୍ରତିନିଧି ରାଜେନ୍ଦ୍ର ସିଂ ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ ଡା ସତ୍ୟନାରାୟଣ ସାହୁ ଜିଲ୍ଲା ମତ୍ସ୍ୟ ଅଧିକାରୀ ପ୍ରଶାନ୍ତ କୁମାର ପାଣିଗ୍ରାହୀ,ଉପଖଣ୍ଡ ଚିକିତ୍ସା ଅଧିକାରୀ ଡ. ସୁବାସ ଚନ୍ଦ୍ର ସାହୁ , ଭେଟେନରି ଅଫିସର୍ ତାଳଚେର ,ମତ୍ସ୍ୟ ଅଧିକାରୀ ତାଳଚେର ,, ବହୁ ସଂଖ୍ୟାରେ ସରପଞ୍ଚ ,ସମିତି ସଭ୍ୟ ଉପସ୍ଥିତ ଥିଲେ ,ମତ୍ସ୍ୟ ,କୁକୁଡ଼ା ପାଳନ , ଗୋ – ପାଳନ କ୍ଷେତ୍ରରେ ସଫଳତା ଲାଭ କରିଥିବା ଉଦ୍ୟଗି ମାନଙ୍କୁ ବିଧାୟକ ବ୍ରଜ କିଶୋର ପ୍ରଧାନ ମାନପତ୍ର ଦେଇ ସମ୍ମାନିତ କରିଥିଲେ । ଏହି କାର୍ଯ୍ୟକ୍ରମରେ ବହୁସଂଖ୍ୟାରେ କୃଷକ ମାନେ ଉପସ୍ଥିତ ଥିଲେ । ଆଜିର ଏହି କାର୍ଯ୍ୟକ୍ରମରେ ବ୍ଲକ ପ୍ରାଣୀ ଚିକିତ୍ସା ଅଧିକାରୀ ଚିନ୍ମୟୀ ଦାସ ସଭାପତିତ୍ବ କରିଥିଲେ ।
